Cymorth ariannol

Gall gorfod aros yn yr ysbyty yn annisgwyl, anafiadau sy’n newid bywyd a gofynion am dderbyniadau estynedig i’r ysbyty ac adferiad hirdymor roi pwysau ar gyllid teuluoedd.

Mae Cronfa Achosion Brys Hugh James yn darparu grantiau nad ydynt yn ad-daladwy i’ch helpu gyda straen ariannol uniongyrchol. Gall y grantiau hyn gefnogi costau hanfodol fel teithio, llety dros dro, bwyd a nwyddau ymolchi a gofal plant. Er mwyn defnyddio Cronfa Achosion Brys Hugh James, cysylltwch â’r Ymarferydd Cyswllt Cleifion yn y Ganolfan Trawma Mawr neu eich Ymarferydd Trawma Mawr neu eich Cydgysylltydd Adsefydlu os ydych mewn Uned Drawma.

Caiff cymhwystra ar gyfer y Gronfa Achosion Brys ei asesu’n annibynnol gan yr Ymarferydd Cyswllt Cleifion. Nid yw Hugh James yn ymwneud ag asesu ceisiadau na phenderfynu a gaiff grant ei ddyfarnu. Nid oes rhwymedigaeth i ddefnyddio gwasanaethau cyfreithiol Hugh James i wneud cais am grant neu i dderbyn grant gan y Gronfa Achosion Brys.